Həkimdən Flora Kərimovanın dediklərinə reaksiya

Xalq artisti Flora Kərimovanın 10 yaşına çatmamış uşaqların sidiyini ildə bir dəfə içib sağlam qalması ilə bağlı açıqlaması sosial şəbəkələrdə yenidən gündəm olub.

 
Bununla bağlı Pravda.az-ın suallarını cavablandıran tanınmış həkim Seyfəddin Əsəd deyib ki, insanın öz sidiyi ilə müalicə elmdə urinoterapiya adlanır.
 
Həkimin sözlərinə görə, sidiklə müalicə, xüsusilə, Asiya ərazisində qədimdən bəri çox geniş yayılan müalicə üsuludur: “Azərbaycanda da çox qədimdən var. Sağalmaz yaraların, dəri xəstəliklərinin müalicəsində indi də insanlar bu üsuldan geniş istifadə edirlər. Xüsusilə, şəkərli diabet, xərçəng, mədə-bağırsaq xəstələri sidiklə müalicə olunur. Sidiyə əvvəllər "həyat suyu" deyiblər, heç vaxt "sidik" deməyiblər. İnsanın həyat suyu ona ən ciddi, ağır xəstəliklərində yüksək səviyyədə kömək edir. Niyə "həyat suyu" deyilir? Niyə müalicələrdə daha tez effekt verir? Düzdür, müasir tibb bunu hələ qəbul etmir, halbuki sidiklə müalicə min illərə söykənir. İnsanın harasında xəstəlik varsa, o xəstəliyin göstəricisi sidiklə çıxır. Bütün orqanizmin tullantıları sidiklə xaric olunur. Sidiyin içində hara xəstədirsə, həmin kodlar bilinir. İnsan öz sidiyini qəbul edəndə birinci növbədə xəstəlik olan bölgəyə təsir edir və sağaldır. Buna görə də sidiyə "həyat suyu" deyilir. Sidik xəstə olan yeri özü tapır və müalicə edir. Təbii ki, sidikdən bir çox məqsədlə istifadə olunur. Kütləvi şəkildə şəkər və xərçəng xəstələri sidikdən istifadə edirlər, lakin qaydanı bilmədən sidiyi qəbul edirlər. Sidiyi qəbul etmək üçün mütləq xüsusi rejimi gözləmək lazımdır. Adi halda qəbul edəndə çox pis qoxulu, pis tamlı olur. Həm də müalicə üçün az effekt verir. Əgər sidik qəbul edəcəksinizsə, ət, yəni tərkibində zülal olan qidalar qəbul etmirsiniz. Bol miqdarda su içməlisiniz, aclıq fonunda olan sidiyin müalicəvi təsiri daha güclüdür, tam şəffaf bulaq suyu kimidir, nə iyi, nə də qoxusu, dadı olur. Əvvəlcə gündə üç dəfə bu halda sidiyi qəbul edirsiniz. Dediyim kimi, ac qarına bol miqdarda su içirsiniz. Belə halda çox qısa müddətdə effekt görürsünüz. Sidik qəbulu saç tökülməsinin qarşısını alır, yeni saçların çıxmasına səbəb olur. İnsanın öz sidiyi ən ucuz və ən güclü saçqoruyucudur. Bəzən yaşlı adamlar xəstəliklərini müalicə etmək üçün öz nəvələrinin sidiyini qəbul edirlər ki, daha effekli olar. Bu, qətiyyən düzgün deyil. Hər xəstəyə yalnız öz sidiyi müalicəvi təsir edir. Sağlam baba və nənə isə daha cavan qalmaq üçün öz nəvələrinin sidiyindən istifadə edə bilərlər. Bu, gənc qalmaq üçün kömək edir. Bilirik ki, qədim dövrdə kimyəvi dərmanlar yox idi, farmakologiya inkişaf etməmişdi. Bitkilərdən istifadə olunduğu kimi insanın sidiyindən də geniş şəkildə istifadə olunurdu.  Allergiyaya qarşı, eyni zamanda sədəf, ekzema kimi xəstəliklərdə yaraların sağalmasında çox geniş şəkildə sidikdən istifadə olunur. Ağızda olan yaraları sağaltmaq üçün də qarqara formasında istifadə edilir. Gündə dörd-beş dəfə sidiklə qarqara olunanda ağızdakı yaralar sağalır. Sidik qəbulu yüksək səviyyədə immuniteti qaldırır və qəbizlikdə də çox gözəl effekt verir”.