Azərbaycan səfiri etimadnaməsini Misir Prezidentinə təqdim edib
Azərbaycanın Misirdəki səfiri Elxan Poluxov etimadnaməsini bu ölkənin Prezidenti Əbdülfəttah Əs-Sisiyə təqdim edib.
Təqdimat mərasimində E.Poluxov Misir Prezidentinə Azərbaycan Prezident İlham Əliyevin salamlarını çatdırıb, cari ilin yanvar ayında Misir Prezidentinin Azərbaycana səfərinin iki ölkə arasında münasibətlərin inkişafında yeni səhifə açdığını qeyd edib.
Diplomat Azərbaycan tərəfinin ikitərəfli əlaqələrin daha da inkişaf etdirilməsinə daim hazır olduğunu söyləyib.
Misir Prezident Əbdülfəttah Əs-Sisi Azərbaycan Prezidenti İlham Əliyevə salamlarını və xoş arzularını çatdırmağı xahiş edib, Misir tərəfinin xalqların rifahı naminə iki ölkə arasında əməkdaşlığın daha da inkişaf etdirilməsinə hazır olduğunu söyləyib.
OXŞAR XƏBƏRLƏR
X Qlobal Bakı Forumu çərçivəsində Heydər Əliyevin 100 illik yubileyinə həsr olunmuş tədbir keçirilib