İranın İsrailə genişmiqyaslı hücumu zamanı ölənlərin və yaralananların sayı artıb

İranın üç gün ərzində İsrailə raket hücumları nəticəsində 24 nəfər ölüb, 600-ə yaxın insan yaralanıb.

Oxu.Az xəbər verir ki, bu barədə İsrail hökumətinin yaydığı məlumatında deyilir.
10:56
"Yüksələn şir" əməliyyatı başlayandan bəri İranın zərbələri nəticəsində İsraildə ölənlərin sayı 16-ya, yaralananların sayı isə 287-yə çatıb.
Oxu.Az xəbər verir ki, bu barədə "The Jerusalem Post" nəşri ZAKA xilasetmə xidmətinə istinadən məlumat yayıb.
09:20
İranın İsrailin mərkəzinə son hücumu nəticəsində azı beş nəfər ölüb.
Oxu.Az bu barədə "N12" telekanalına istinadla xəbər verir.
Bildirilir ki, zərbələr nəticəsində azı 87 nəfər yaralanıb, dörd nəfər Petah Tikvada, daha bir nəfər isə Bney Brakda ölüb.
Zərbələr nəticəsində böyük dağıntılar Hayfada da müşahidə olunub.
Xilasedicilər binaların dağıntıları altında qalan insanların axtarışlarını davam etdirirlər.
08:56
İranın İsrailin mərkəzinə endirdiyi son raket zərbələri nəticəsində azı üç nəfər ölüb, 67 nəfər xəsarət alıb
Oxu.Az bu barədə "The Times of Israel" qəzetinə istinadla xəbər verir.
Xəsarət alanlar xəstəxanaya yerləşdiriliblər.
Onlardan birinin vəziyyəti ağır, altısının isə orta ağırdır.
Bundan əvvəl İsrail Müdafiə Ordusu İrandan İsrail ərazisinə raket buraxılışını qeydə aldığını bəyan etmişdi.