Əks istiqamətdə təhlükəli hərəkət: ailə faciədən son anda xilas oldu - VİDEO

Paytaxtın Yeni Yasamal qəsəbəsində təhlükəli yol hərəkəti qaydası pozuntusu ilə bağlı redaksiyamıza şikayət daxil olub.

Vətəndaşın Patrul.az-a verdiyi məlumata görə, hadisə 07.02.2026-cı il tarixində saat 13:53 radələrində Əsəd Əhmədov küçəsində baş verib. Belə ki, 99-MQ-551 dövlət qeydiyyat nişanlı “Chevrolet Camaro” markalı avtomobil yolun əks istiqamətinə çıxaraq hərəkət edib.
Şikayətçi bildirib ki, qarşı-qarşıya gəlmə anında son anda avtomobilini sağa çəkərək mümkün qəzanın qarşısını ala bilib.
Onun sözlərinə görə, hadisə zamanı avtomobildə ailə üzvləri, o cümlədən əlil övladı da olub:
“Son anda maşını sağa çəkdim. Əks halda ağır qəza qaçılmaz idi. Hələ utanmadan avtomobili üstümə sürürdü,” – deyə vətəndaş bildirib.
Qeyd edək ki, yaşayış massivlərində və dar küçələrdə əks istiqamətə çıxmaq təkcə sürücünün öz həyatını deyil, digər hərəkət iştirakçılarının da təhlükəsizliyini ciddi risk altına qoyur.