Toppuş bacının əri: "Qayınatam dedi ki, ailə qur"

Mərhum Əməkdar artist Tünzalə Əliyevanın həyat yoldaşı Röyal növbəti dəfə onunla bağlı paylaşım edib.

Yenilik.az xəbər verir ki, o Tünzalənin atasının onun yenidən evlənməsinə razılıq verdiyini bildirib. Ancaq belə bir niyyətdə olmadığını söyləyib:
“May ayının 30 idi. Gecə dedi ki, gedək, bir az dəniz havası alaq. Söylədi ki, Röyal bura hər gün gələk? Dedim, əlbəttə. Uşaq kimi sevindi. Mən onun bu gülüşünü dərhal çəkmək istədim. O, mənə baxıb güldü. Bəli, bu, nur üzlü xanım mənim həyat yoldaşımdır. O şanslı kişiyəm ki,bu cür namuslu, islamı, insanları sevən bir xanımla ailə qurmuşam. Həmd olsun. Mənə qayınatam dedi ki, Röyal, sənə icazə verirəm, ailə qur. Dedim ki, mən evliyəm, ailəm var. Sadəcə dünyasını dəyişib. Nur üzlü yarım, övladımın anası, axirətdə görüşənədək. Sadəcə səbr edəcəm”.

Qeyd edək ki, Tünzalə Əliyeva uzun sürən xərçəng xəstəliyindən 49 yaşında dünyasını dəyişib. Cütlüyün Zəhra adında bir qız övladı var.