“Görməmişliyin son həddi...” – Nazilə Səfərlinin paylaşımı qınandı + VİDEO

Tanınmış şairə və aparıcı Nazilə Səfərli sosial şəbəkədə paylaşdığı video ilə müzakirələrə səbəb olub.

Yenisabah.az xəbər verir ki, o, “Meyvəli” bazarından aldığı yeşiklərlə dolu meyvələri maşınının baqajında nümayiş etdirərək öz alış-verişini yumorla təqdim edib. Videoda Səfərli alış-verişinə özü də gülərək deyib:
“Ay görməmiş, bunları niyə aldın? Sənə deməmişəm get kiloluq bazara? Bu qədəri niyə aldın? Bu boyda meyvəni necə yeyəcəksən? Ay vəhşi, bəsdir də, bəsdir! Gözün doysun. Gördüm, aldım. Bunu da pay verdilər, sağ olsunlar. Bilsəydim, bunu almazdım. Görün nə qəşəngdir. Mən necə almayım bunu? İndi mənə kim kömək etsin? Ərinmədim, durdum gəldim “Meyvəli”yə. Mən də bazar görəndə elə bil görməmişəm…”
Amma onun bu videosu izləyicilərin əksəriyyəti tərəfindən xoş qarşılanmayıb. Sosial şəbəkə istifadəçiləri Səfərlinin bu qədər meyvə almasını və bunu nümayiş etdirməsini tənqid ediblər. Şərhlərdə vurğulanıb ki, belə görüntülərin paylaşılması cəmiyyətin sosial vəziyyətini nəzərə almadan atılmış addımdır.
Bəzi izləyicilər yazıblar ki, “Camaat 1 kilo ala bilmir, sən yeşiklərlə doldurursan. Göz haqqı deyilən bir şey var, paylaşmaq doğru deyil.” Digərləri isə qeyd ediblər: “Görməmişliyin son həddi. İndi nə olsun, bunu niyə paylaşmısan ki?”, "Şükür edin ki, alıb yeyə bilirsiniz. Onun dadını bilməyənlər də var, hələ meyvə nübar etməyənlər də”.
Bənzər yanaşmada digər bir istifadəçi bildirib: “Yaxşı, bilirik, pulun var. Özün üçün alırsansa, bizə nə?!”