Efir qadağası qoyulduğu deyilən müğənnilər yenidən ekranlarda - VİDEO

Xəbər verdiyimiz kimi, bir neçə gün əvvəl mediada bir qrup müğənni və sənət adamına efir qadağası qoyulması ilə bağlı iki siyahı yayılmışdı.

Yenilik.az xəbər verir ki, siyahıda adı çəkilən bəzi müğənnilər artıq televiziya verilişlərində görünməyə başlayıblar.

Məlumata görə, həmin sənətçilərdən Vəfa Şərifova və Talıb Tale aparıcı Zaur Nəbioğlunun təqdim etdiyi “Rəngarəng” verilişinin qonağı olublar.

Məsələ ilə bağlı aparıcı Tarix Əliyev (Tolik) də diqqətçəkən paylaşım edib. O, Vəfa Şərifovanın canlı efirdə iştirakı ilə bağlı videonu paylaşaraq belə yazıb:

“Bax belə. Sözüm buradan bir neçə gün əvvəl mənim sayəmdə qəhrəman olanlara, ömründə səhifələrində yaradıcılıqlarına minlərlə şərh və on minlərlə “like” görməyən bəzi “manıs”lara və dırnaqarası incəsənət nümayəndələrinədir. Nə oldu? Dikəndinizə gələndə özünüzə gəldiniz, sakitləşdiniz. Drojunuz çox oldu deyəsən. İndi nə oldu, hər şey düzəldi? Ona görə də bu dırnaqarası qəhrəmançılığınızı özünüzə saxlayın”.

Qeyd edək ki, bundan əvvəl siyahıda adı olan müğənni Şəbnəm Tovuzlu da yenidən efirə çıxmışdı.

Bakupost.az