"Ailə və əmək münasibətlərindən irəli gələn mübahisələrin həllində mediasiyanın faydaları" mövzusunda tədbir keçirilib

30 may 2025-ci il tarixdə Sumqayıt şəhər 1 saylı Uşaq - Gənclər İnkişaf Mərkəzi ilə Sumqayıt 1 saylı Mediasiya Təşkilatının birgə təşkil etdiyi 

"Ailə və əmək  münasibətlərindən irəli gələn mübahisələrin həllində mediasiyanın faydaları" mövzusunda maarifləndirici tədbir keçirilmişdir.

Tədbirdə Sumqayıt 1 saylı mediasiya təşkilatının rəhbəri Etibar Hasanov, mediatorlar Elcin  Huseynov, Xanlar Sətullayev və Kamal Mustafayev,  Mərkəzin direktoru  Əntiqə Rzayeva, Sumqayıt şəhər 2 nömrəli Uşaq-Gənclər İnkişaf Mərkəzinin direktoru Fariz Orduxanov, həmçinin hər iki mərkəzdə fəaliyyət göstərən müəllimlər, tərbiyəçilər, dərnək rəhbərləri və digər əməkdaşlar iştirak etmişlər.

Tədbirdə çıxış edən Sumqayıt 1 saylı Mediasiya təşkilatının rəhbəri Etibar Həsənov ölkəmizdə mediasiya xidmətinin anlayışı, tarixi, ölkəmizdə yaradılma əsasları, mahiyyəti, bu sahədə mövcud qanunvericilik, əldə edilən nailiyyətlər və inkişafa dair gözləntilər barədə ətraflı məlumat vermiş, həmçinin iştirakçıların suallarını cavablandırmışdır.

Mediatorlar həmçinin mediasiyanın faydalarından danışmış, təcrübələrini bölüşmüşlər.

Tədbirdə həmçinin 1 nömrəli Uşaq-Gənclər İnkişaf Mərkəzinin rəhbəri Əntiqə xanım Rzayeva mediatorları salamlayaraq mediasiya xidməti haqqında təşkil olunmuş maarifləndirici görüşün səmərəli olduğunu, bu sahə haqqında yeni məlumatlar əldə etdiklərini, ictimai münasibətlərin tənzimlənməsində və münaqişələrin qarşılıqlı anlaşma şəraitində həllində mediasiya kimi bir xidmətin yaradılmasının faydalı olduğunu iştirakçıların diqqətinə çatdırmışdır.

Sonda tədbir iştirakçıları ilə xatirə fotosu çəkilmiş və bu tip görüşlərin intensiv xarakter almasının zəruriliyi vurğulanmışdır.