Sumqayıtın bu ərazisində piyadaların həyatı 3 kubikdən asılıdır…

Sumqayıt şəhərinin 3-cü mikrorayon ərazisində yerləşən ağac sakinlərin narahatlığına səbəb olub.

Sumqayit24.az-a müraciət edən şikayətçilər bildiriblər ki, ağac hazırda cəmi 3 kubikin üzərində dayanır və hər gün bir qədər də əyilir:

"Məsələ ilə bağlı dəfələrlə aidiyyəti qurumlara məlumat verilsə və sosial şəbəkələrdə paylaşımlar edilsə də, indiyədək heç bir tədbir görülməyib".

Göndərilən fotodan da görünür ki, iri gövdəli ağac yolun üzərinə doğru əyilərək nəqliyyat vasitələrinin hərəkətinə mane olur. Vətəndaşlar bildirirlər ki, güclü külək və ya əlverişsiz hava şəraitində ağacın aşması həm avtomobillər, həm də piyadalar üçün ciddi təhlükə yarada bilər.