Murad Dadaşov Lalə Azərtaşın reklam etdiyi həkimlərə güvənmədi? – SEÇİMİ QALMAQAL YARATDI

Televiziya məkanında son dövrlər baş verən dəyişikliklər fonunda diqqət çəkən yeni məsələ gündəmə gəlib. Məlumata görə, Xəzər TV-nin rəhbəri Murad Dadaşov səhhəti ilə bağlı yaranan problemi yerli həkimlərə deyil, xarici mütəxəssislərə həvalə edib.

Yenilik.az Oxu24.com-a istinadla xəbər verir ki, o, müalicə və əməliyyat üçün Avropaya üz tutub.


Bu məqam isə ictimaiyyətdə suallar doğurub. Xüsusilə də Lalə Azərtaşın aparıcısı olduğu və tez-tez müxtəlif xəstəliklərin müalicəsi üçün “peşəkar həkimlər” təqdim edilən proqram fonunda bu seçim diqqətdən yayınmayıb.

Sosial media istifadəçiləri qeyd edir ki, əgər sözügedən verilişdə təqdim olunan həkimlər doğrudan da yüksək səviyyəli mütəxəssislərdirsə, niyə kanal rəhbəri məhz onlara müraciət etməyib? Bu sual verilişlərdə təqdim olunan tibbi xidmətlərin nə dərəcədə etibarlı olması ilə bağlı müzakirələri yenidən alovlandırıb.


Məsələ ilə bağlı hələlik açıqlama verilməsə də, bu hadisə televiziya məkanında təqdim olunan məlumatların reallıqla nə dərəcədə üst-üstə düşdüyü ilə bağlı yeni suallar doğurur.