Evlilik ildönümündə böyük etiraf: Çinarə ana olmaq istəyir - VİDEO

Plastik cərrah Ruslan Rəsul və aparıcı Çinarə Əliyevanın evliliklərinin  2-ci ildönümüdür.

Yenisabah.az xəbər verir ki, o, bu barədə sosial media hesabının hekayə bölməsində paylaşım edib.
Ruslan Rəsul evə tort gətirərək Çinarəni evlilik ildönümü münasibətilə təbrik edib:
"Mənim həyatım, mənim gözəlim, evliliyimizin 2 yaşı tamam olur. Səninlə birlikdə olmaq mənim üçün ən gözəl hislərdən biridir. Davamlı olsun. Uzunömürlü olsun. Səni çox sevirəm. Yaxşı ki, yanımdasan. Yaxşı ki, varımsan". 
Cütlük tortun üzərindəki şamı üfürərək, biri-birlərinə çanta hədiyyə ediblər. 
Çinarə Əliyeva növbəti paylaşımında ana olmaq istədiyini dilə gətirib:
"Allah mənə, inşallah, ana olmağı nəsib edər. Bilirsiniz ki, ana olmaq mənim həyatdakı ən böyük arzularımdan biridir. Qismət. Yaxşı olar inşallah. Ürəkdən etdiyiniz  bütün dualarınız üçün çox sağ olun".
Qeyd edək ki, Çinarənin ilk hamiləliyindən qeysəriyyə yolu ilə dünyaya gətirdiyi körpəsinin ciyərində yırtıq olduğu məlum olub. Bütün müdaxilələrə baxmayaraq, onu xilas etmək mümkün olmayıb.