Yenilik.Az
www.Yenilik.Az » Ölkə » Bu kolbasa və sosiskaların tərkibində mal əti tapılmadı - ŞOK SİYAHI

Bu kolbasa və sosiskaların tərkibində mal əti tapılmadı - ŞOK SİYAHI

Bu kolbasa və sosiskaların tərkibində mal əti tapılmadı - ŞOK SİYAHI
2023-04-06 , 11:58

Azərbaycan Respublikasının Qida Təhlükəsizliyi Agentliyi (AQTA) kolbasa və sosis məhsullarında aparılan yoxlamaların nəticəsini açıqlayıb.
Yenilik.az xəbər verir ki AQTA tərəfindən ölkədə qida təhlükəsizliyinə risk əsaslı yanaşmanın tətbiqi ilə mövcud problemlərin, o cümlədən baş verən zəhərlənmə halları və daxil olan istehlakçı şikayətlərinə dair məlumat bazasının təhlili nəticəsində bir sıra qida təhlükəsizliyi problemlərinin müəyyənləşdirilərək müvafiq addımların atılması məqsədilə hazırlanan Multimonitorinq Planının icrası davam etdirilir.
Bununla əlaqədar, ölkə ərazisində fəaliyyət göstərən ticarət şəbəkələrindən kolbasa və sosis məhsullarından nümunələr götürülərək, müayinə üçün Azərbaycan Qida Təhlükəsizliyi İnstitutunun müvafiq laboratoriyalarına təqdim olunub. Belə ki, cari dövr ərzində 57-si kolbasa, 32-si sosis olmaqla, ümumilikdə 89 adda məhsuldan nümunə götürülüb. Nümunələrin sınaq nəticəsinə əsasən, 80 məhsuldan götürülən nümunə normativ sənədlərin tələblərinə cavab verib.
6 istehsalçıya məxsus 9 məhsulda (6-sı kolbasa, 3-ü sosis) uyğunsuzluqlar müəyyən edilib ki, bunlardan 4 məhsulda (3-ü kolbasa, biri sosis) uyğunsuzluq təhlükəsizlik göstəriciləri ilə, 5-də isə (3-ü kolbasa, 2-si sosis) etiket məlumatları ilə bağlıdır.
Nəzarət tədbirləri zamanı, həmçinin “Halal” adı ilə satışa çıxarılan kolbasa və sosis məhsullarının analizi nəticəsində həmin məhsulların tərkibində donuz əti aşkarlanmayıb.
Agentlik tərəfindən məhsullarının təhlükəsizlik göstəriciləri ilə bağlı uyğunsuzluq aşkarlanan istehsalçı müəssisələrdə qanunvericiliyə uyğun yoxlamalar həyata keçirilir, həmin məhsulların satış şəbəkələrindən geri çağırılması, məhdudiyyətlərin tətbiqi, inzibati məsuliyyət və digər tədbirlər görülür. Yoxlamaların nəticələri barədə ictimaiyyətə ətraflı məlumat təqdim ediləcək.
Bununla yanaşı, AQTA istehlakçılara müraciət edir ki, satış şəbəkələrində təhlükəsizlik göstəricilərində uyğunsuzluq aşkarlanan kolbasa-sosis məhsulu partiyalarını istehlak etməsinlər və bazarlarda aşkarlandığı halda dərhal Agentliyin “1003” Çağrı Mərkəzinə məlumat versinlər.
Uyğunsuzluq aşkarlanan kolbasa-sosis məhsulları və istehsalçıları ilə aşağıdakı cədvəldən tanış ola bilərsiniz:
Multimonitorinq Planının icrası məqsədilə kolbasa və sosis məhsullarından götürülmüş nümunələrdə aşkarlanan uyğunsuzluqlara dair MƏLUMAT
Məhsulun istehsalçısıMəhsulun əmtəə nişanıMəhsulun növüİstehsal tarixiAşkarlanan uyğunsuzluq
1"Səhliyalı" Kiçik Müəssisəsi"Səhliyalı"yarım hisə verilmiş "Servelat" kolbasası10.02.2023Üzərində mal əti bəyan edilsə də, tərkibində toyuq DNT-si aşkarlanıb
2Rəhimovların Ailə Təsərrüfatı"Kəndli"bişirilmiş hisə verilmiş kolbasa22.02.2023Üzərində donuz əti bəyan edilmədiyi halda, tərkibində donuz DNT-si aşkarlanıb
3"Sevilən Ad" MMC"Dilim-Dilim"bişmiş "Lyubitelskaya" kolbasası21.02.2023Təhlükəsizlik göstəricilərində uyğunsuzluq aşkarlanıb
4"Əsl Dad"bişmiş "Toyuq" kolbasası10.02.2023
5"Əsl Dad"bişmiş "Doktorskaya" kolbasası20.02.2023
6"Mir 2016" MMC"Köhnə Dad"yarım hisə verilmiş "Servelat" kolbasası04.02.2023Üzərində mal əti bəyan edilsə də, tərkibində mal DNT-si aşkarlanmayıb
7"M&T" Ltd firması"Sevimli Dad"əla növ südlü sosis05.02.2023Üzərində mal əti bəyan edilsə də, tərkibində mal DNT-si aşkarlanmayıb
8"Səhliyalı" Kiçik Müəssisəsi"Halal 5+""Sacüstü" halal sosis04.02.2023Üzərində mal əti bəyan edilsə də, tərkibində mal DNT-si aşkarlanmayıb
9"Ovçular Ət və Ət Məhsulları" MMC"Ovçular""Külləmə" halal sosis17.02.2023Təhlükəsizlik göstəricilərində uyğunsuzluq aşkarlanıb

Redaksiya ilə əlaqə: (+994) 50 295 94 79 | [email protected]
OXŞAR XƏBƏRLƏR
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.