Yenilik.Az
www.Yenilik.Az » Kriminal » Şəmkirdə silsilə oğurluq edən şəxs saxlanılıb

Şəmkirdə silsilə oğurluq edən şəxs saxlanılıb

Şəmkirdə silsilə oğurluq edən şəxs saxlanılıb
2023-04-12 , 16:38

Şəmkir Rayon Polis Şöbəsinin Zəyəm Polis Bölməsinin (PB) əməkdaşlarının keçirdikləri əməliyyat-axtarış tədbirləri nəticəsində rayonun Zəyəm qəsəbəsindəki fərdi yaşayış evlərindən və fermadan silsilə oğurluqlar etməklə zərərçəkmişlərə xeyli miqdarda maddi ziyan vuran şəxs saxlanılıb.
Yenilik.az xəbər verir ki, Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, araşdırmalarla rayon sakini Qoşqar Hüseynovun cari ilin müxtəlif vaxtlarında rayon ərazisindəki fermadan 10 baş xırdabuynuzlu heyvan, fərdi yaşayış evlərindən elektriklə məişət və inşaat avadanlıqları, naqil, geyim dəsti və digər əşyaları oğurlayaraq satması məlum olub. Bundan başqa saxlanılan şəxsin ətrafında keçirilən istintaq-əməliyyat tədbiri nəticəsində Q.Hüseynovun yaşadığı evdən bir ədəd müvafiq sənədləri olmayan tüfəng və bir ədəd avtomat patronu aşkar edilərək götürülüb.
Faktla bağlı Şəmkir Rayon Polis Şöbəsində cinayət işi başlanılıb, araşdırmalar davam etdirilir.

Redaksiya ilə əlaqə: (+994) 50 295 94 79 | [email protected]
OXŞAR XƏBƏRLƏR
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.